歡樂探訪——把笑聲帶入病房同院舍
傳統主打：小丑探訪，帶歡樂、帶陪伴。
探訪係點樣
小丑戴上紅鼻子走進病房、客廳或者活動室，用簡單嘅玩同笑，同院友一齊度過一段輕鬆時間。可能係一個泡泡、一首歌、一個小遊戲，或者只係蹲低同對方望一眼、笑一下。我哋重視嘅係「一齊」——一齊玩、一齊笑、一齊郁——而唔係台上演完就走。
現場氣氛以溫暖、安全、尊重為先。院友可以揀參與幾多；唔強迫、唔趕時間。好多時，笑過之後，有人願意再郁一郁、再同人講兩句——呢種「重新願意」，就係探訪想留下嘅感覺。
適合邊啲機構
- 醫院病房／日間中心
- 安老院舍、護養院
- 特殊學校同相關社福單位
- 其他需要歡樂關懷與陪伴嘅社福現場
具體安排視場地、人數同院友狀況，歡迎一齊傾。
現場原則
- 私隱：院友面孔需保護；對外照片必須遮面或以背影／手部呈現。
- 拍攝：必須先獲機構同意，並遵守院舍／醫院指引。
- 性質：歡樂陪伴，並非醫療、護理或復康治療。
邀請流程三步
- 查詢喺聯絡頁揀「邀請探訪」，簡單講吓機構同需要。
- 了解需要團隊會同你了解場地、對象人數、希望氣氛同日期。
- 安排探訪確認細節後派出合適隊伍，到場帶來歡樂陪伴。
代表場次
我哋走進醫院病房、安老院舍、特殊學校同社區嘉年華，用小丑帶嚟笑聲同陪伴——令更多人重新願意笑、願意參與。
- 東區醫院迎春接福義工探訪｜精神科日間病人
- 九龍醫院病房探訪｜住院病人
- 大口環根德公爵夫人兒童醫院賣物會
- 香港聖公會恩慈長者之家34周年院慶｜院友及家屬
- 東華三院賽馬會復康中心頤養護理安老院迎中秋｜視障長者及家人
- 匡智紹邦晨輝學校新春市集／聖誕表演｜特殊學校師生
- 靈實恩光學校小丑表演｜智障／肢體障礙學生
- 沙田麥當勞叔叔之家快樂迎中秋｜罕病／癌症治療中小朋友
曾探訪／合作的機構
以下是本會義工團隊曾經探訪或參與活動的部分機構，涵蓋醫院、安老院舍、特殊學校同社區嘉年華。具體場次同安排，歡迎聯絡我們了解。
醫院／醫療相關
- 東區醫院迎春接福義工探訪、東區醫院日
- 九龍醫院病房探訪
- 大口環根德公爵夫人兒童醫院賣物會
- 葵涌醫院快樂小丑巡禮
- 伊利沙伯醫院賣物會
- 香港防癌會探訪及互動
安老院舍及長者中心
- 香港聖公會恩慈長者之家院慶
- 香港聖公會護養院團年飯表演
- 東華三院伍若瑜護理安老院善心同樂嘉年華
- 東華三院賽馬會復康中心頤養護理安老院迎中秋探訪（視障長者及家人）
- 東華三院鄒蓮女士長者日間護理中心周年暨中秋慶祝
- 東華三院賽馬會展翔日間活動中心暨宿舍過冬至探訪
- 東華三院黃祖棠長者地區中心義工嘉許禮
- 東華三院莫黃鳳儀安老院生日會
- 東華三院泉晴長者社區支援服務天地長者懇親日
- 明愛富亨苑新春、母親節等多次探訪
- 明愛賽馬會恩暉苑生日會
- 明愛賽馬會恩暉苑暨陸陳淑穎長者日間護理中心生日會
- 明愛牛頭角長者中心中秋活動
- 明愛元朗長者社區中心（天澤中心）新年團拜
- 明愛元朗長者社區中心／明愛寧安服務新年活動
- 明愛麗閣長者中心長者及護老者活動
- 明愛馮黃鳳亭安老院慶中秋活動
- 循道衞理楊震社會服務處長者中心生日及復活節慶祝
- 彩虹長者日間護理服務生日會
- 救世軍錦田長者之家長者探訪
- 西灣河杏恩護老院長者探訪
- 鄰舍輔導會天瑞鄰里康齡中心聯歡會表演
特殊學校及相關服務
- 匡智紹邦晨輝學校新春市集、聖誕表演
- 靈實恩光學校小丑表演
- 匡智松嶺第二校中秋樂繽紛
- 香港基督教服務處培愛學校學生表演娛樂
- 香港耀能協會安泰訓練中心及宿舍小丑魔術
- 東華三院徐展堂學校探訪
社區、學校及嘉年華
- 防止虐待兒童會（竹園中心親情閣）新春親子派對
- 西貢李兆欽小學獅子服務日嘉年華
- 沙田麥當勞叔叔之家快樂迎中秋
- 青草音符慈善機構傷健共融嘉年華
- 莒光文化基金慈善午宴
- 守望者服務團嘉年華會
- 香港樂善會／香港保護兒童會聖誕節兒童聯歡會
- 長洲體育館（慶回歸文化藝粹展）表演及攤位
近期現場
東華三院伍若瑜護理安老院「善心同樂嘉年華」（2026年11月3日）。院友及可辨識職員面容已遮蓋。
同 Care 有咩分別？
歡樂探訪偏重小丑走進現場、帶歡樂同陪伴；Red Nose Care 則進一步強調一齊陪玩、郁動同開心運動，幫院友重新願意笑、願意郁、願意再連接。兩條線都屬協會服務，可以分開邀請，亦可一齊傾邊種較合適。
想了解醫院小丑呢類工作嘅國際醫學證據，可參閱國際醫學證據報告，或下載《醫院小丑對病人的幫助：國際醫學證據報告》（PDF，7頁）。國際已發表證據，並非本會本地臨床試驗。